جشن دستار عالمیت کے پر بہار موقعے پر بلال برکاتی نیپالی کی جانب سے ایک ادنی سا تحفہ مولانا ندیم رضا برکاتی ضیائی، مولانا سرفراز عالم ضیائی، مولانا شوکت علی ضیائی، اور مولانا کلام الدین ضیائی، کی خدمت میں پیش ہے
__________________________________________
__________________________________________
ضیاء العلوم ادری کا فیضان دیکھئے
پورا ہوا نــدیـم کا ارمــان دیکھئے
آئے ہوئے ہیں آپ کے مہمان سرفراز
خوشیوں کا لےکے ایک گلستان دیکھئے
دل میں بساکے دولت قرآن دیکھئے
شوکت علی ہیں بالیقیں فرحان دیکھئے
علم و عمل کا تاج سجاکر کلام نے
پورا کیا نبی کا ہے فرمان دیکھئے
سر پہ سجا ہے تاج عمامہ ندیم کے
اللہ نے عطا کی ہے یہ شان دیکھئے
خوشیاں منارہے ہیں سب احباب آپ کے
کیسے لٹا رہے ہیں دل و جان دیکھئے
نبیوں کے وارثین میں ایک نام آپ کا
کتنا بلند و بالا ہے پہچان دیکھئے
ضیاء العلوم مرکز دین متین ہے
علم و ادب کا اعلی ہے میدان دیکھئے
ماں کی تری دعاؤں کا صدقہ ہے اے ندیم
رکھنا سنبھال کرکے یہ احسان دیکھئے
بیشک دیا ہے علم کا دریا نچوڑ کر
استاد کس قدر ہیں مہربان دیکھئے
مولیٰ قبول کرلے یہ کاوش بلال کی
ہے واسطے ان چاروں کے گلدان دیکھئے
_________________________طالب دعا: محمد بلال برکاتی نیپالی
ایڈ لگانے کی جگہ
